மகா கும்பமேளாவில் நீராடினாரா? ஒற்றை புகைப்படத்தால் கடுப்பான நடிகர் பிரகாஷ் ராஜ்

12 ஆண்டுகளுக்கு ஒருமுறை நடக்கும் கும்பமேளாவில் நடிகர் பிரகாஷ் ராஜ் நீராடியது போன்று வெளியான படத்திற்கு பொலிஸ் புகார் கொடுக்கப்பட்டுள்ளது.

பிரகாஷ் ராஜ்

நடிகர், இயக்குனர், தயாரிப்பாளர், அரசியல் பிரமுகர் என பல முகத்தை கொண்டவர் தான் பிரகாஷ் ராஜ்.

சிவக்குமார் செய்த சாதனை- அப்பாவை நினைத்து சூர்யா நெகிழ்ச்சி பதிவு

அனைத்து மொழிப்படத்திலும் பிஸியாக நடித்து வரும் இவர், சிறந்த நடிகராக தான் பார்த்திருப்போம். மாறாக பிரகாஷ் ராஜ் சமூக கருத்துக்களை துணிச்சலுடன் சொல்லும் அரசியல்வாதியாகவும் இருந்து வருகிறார்.

தமிழ் சினிமாவில் பிரபலமான வில்லனாக இருக்கும் பிரகாஷ்- விஜய் நடிப்பில் வெளியான கில்லி திரைப்படத்தில் வரும் காட்சிகள் இன்றும் சமூக வலைத்தளங்களில் வைரலாக உள்ளது. அந்த அளவு தன்னுடைய நடிப்பு திறமையை சிறப்பாக வெளிக்காட்டியிருப்பார்.

தமிழ் சினிமாவில் இருக்கும் உச்ச நட்சத்திரங்களை ஹீரோக்களாக மக்கள் ஏற்றுக் கொள்ள இவரும் ஒரு முக்கிய காரணியாக இருக்கிறார். இவரின் அசத்தலான நடிப்பால் சில படங்களை தெறிக்க விட்டுள்ளார்.

மஹா கும்பமேளா

கைகள் சிவக்க சிவக்க மருதாணி போடும் கீர்த்தி சுரேஷ்- குடும்பத்தினருடன் ஆடி மகிழ்ந்த தருணம்

இந்த நிலையில், உத்தரப் பிரதேசத்தின் பிரயாக்ராஜில் 12 ஆண்டுகளுக்கு ஒருமுறை மஹா கும்பமேளாவில், இந்தியா மட்டுமின்றி வெளிநாடுகளில் இருந்தும் கோடிக்கணக்கான பக்தர்கள் புனித நீராடி வருகிறார்கள்.

அரசியல் கட்சித் தலைவர்கள், திரைப்பிரபலங்கள் என கங்கையில் புனித நீராடி வருகிறார்கள். இதன்போது எடுக்கப்படும் புகைப்படங்கள் சமூக வலைத்தளங்களை ஆக்கிரமித்து வருகிறது.

விமர்சகர்களை கண்டித்து பதிவு

அந்த வகையில், நடிகர் பிரகாஷ் ராஜ், உத்திரபிரதேசத்தில் நடைபெற்று வரும், மகா கும்பமேளாவில் கலந்துகொண்டு புனித நீராடியது போன்ற புகைப்படமொன்று வைரலாகி வருகின்றது.

இந்த புகைப்படத்தை இணையத்தில் பதிவிட்டு, “இனி இவர் செய்த பாவங்கள் நீங்கட்டும்” என பதிவிட்டு இருந்தார்.

இதனை பார்த்த விமர்சகர்கள், “கடவுள் நம்பிக்கையே இல்லை என்று சொல்லும் பிரகாஷ் ராஜ், கும்பமேளாவில் நீராடினாரா?” என்று ட்ரோல் செய்து வருகிறார்கள். இந்த மோசமான செயலுக்கு நடிகர் பொலிஸ் புகார் கொடுத்துள்ளார்.

அத்துடன் எக்ஸ் தளத்தில், “ போலி செய்திகளை பரப்புவதுதான் மத வெறியர்கள், கோழைகளின் கடைசி வழி ஆகும். புனித விழாவில் கூட போலி செய்திகளை பரப்புகிறார்கள். இது வெட்கக்கேடான செயல். போலி புகைப்படத்தை பரப்பியவர்கள் மீது காவல் நிலையத்தில் புகார் கொடுக்கபட்டுள்ளது. அதற்கான விளைவுகளை எதிர்கொள்ள தயாராக இருங்கள்..” என கண்டனம் தெரிவித்துள்ளார்.

இந்த செய்தி ரசிகர்களின் கவனத்திற்கு சென்றுள்ளது.

ಸುಳ್ಳು ಸುದ್ದಿ
“ಸುಳ್ಳ ರಾಜ” ನ ಹೇಡಿಗಳ ಸೈನ್ಯಕ್ಕೆ .. ಅವರ ಪವಿತ್ರ ಪೂಜೆಯಲ್ಲೂ ಸುಳ್ಳು ಸುದ್ದಿ ಹಬ್ಬಿಸಿ ಹೊಲಸು ಮಾಡುವುದೇ ಕೆಲಸ .. police complaint ದಾಖಲಾಗಿದೆ .. ಕೋರ್ಟಿನ ಕಟಕಟೆಯಲ್ಲಿ ಏನು ಮಾಡುತ್ತಾರೋ ನೋಡೋಣ 😊 #justasking pic.twitter.com/S6ySeyFKmh

— Prakash Raj (@prakashraaj) January 28, 2025