லங்காசிறி FM
அரசியலில் அடியெடுத்து வைக்கும் நடிகர் தனுஷ்?- அவரே கொடுத்த ஹின்ட்
நடிகர் தனுஷ் வரும் 28ஆம் தேதி தனது 48வது பிறந்தநாளை கொண்டாட உள்ளார்.
சமீபத்தில் ராயன் படத்துக்காக சிறந்த இயக்குநருக்கான தேசிய விருதும், கேப்டன் மில்லர் படத்துக்காக சிறந்த நடிகருக்கான தேசிய விருதும் தனுஷுக்கு அறிவிக்கப்பட்டது.
இதனிடையே, தனுஷ் அரசியலுக்கு வரப்போகிறாரா என்ற எதிர்பார்ப்பு ரசிகர்கள் மத்தியில் எழுந்துள்ளது.
அவரது ரசிகர் மன்றத்துக்கான புதிய கொடி சமீபத்தில் அறிமுகப்படுத்தப்பட்டு சமூக வலைதளங்களில் வைரலானது.
தனுஷின் பிறந்தநாளை முன்னிட்டு திருவள்ளூர் மாவட்டம் பெரியபாளையம் அருகே உள்ள தனியார் மருத்துவக் கல்லூரியில் ரசிகர் மன்றம் சார்பில் நலத்திட்ட உதவிகள் வழங்கும் நிகழ்ச்சி நடைபெற்றது.
இதில் கலந்துகொண்ட தனுஷ், ரசிகர்கள் தங்களைச் சுற்றியுள்ள மக்களின் பிரச்சினைகளை கவனித்து, அவர்களுக்கு உதவ வேண்டும் என கேட்டுக்கொண்டார்.
மேலும், மக்களுக்கான நலத்திட்ட உதவிகளை செய்ய ரசிகர்கள் ஒன்றிணைய வேண்டும் என்றும் அவர் வலியுறுத்தினார்.
#Dhanush gives a Strong hint about his Political Entry:
— Laxmi Kanth (@iammoviebuff007) July 26, 2026
"So many people have gathered in one place.. This kind of unity has a power..💪 You need to give that unity a purpose.. Not just through audio launches and meet ups. Join hands and do more welfare work.. Do whatever you can…
தனுஷின் இந்த பேச்சு, அவரது அரசியல் பயணத்திற்கான தொடக்கமாக இருக்கலாம் என சமூக வலைதளங்களில் பலரும் கருத்து தெரிவித்து வருகின்றனர்.
இதனிடையே, தனுஷின் அரசியல் வருகை குறித்து அவரது தந்தை கஸ்தூரி ராஜாவிடம் கேட்கப்பட்டபோது, "அரசியலுக்கு வருவது தனுஷின் தனிப்பட்ட முடிவு. அவர் கட்சி ஆரம்பித்தால் ஆரம்பிக்கட்டும், இல்லையென்றால் இருக்கட்டும். அது குறித்து நான் எதுவும் கேட்க மாட்டேன்" எனத் தெரிவித்துள்ளார்.
புங்குடுதீவு 10ம் வட்டாரம், ஆனைக்கோட்டை, கொழும்பு, Scarborough, Canada
19 Jul, 2026
