லங்காசிறி FM
டெல்லி கணேஷின் இறுதி நிமிடங்களில் என்ன நடந்தது? மருமகன் சொன்ன விஷயம்
DHUSHI
நடிகர் டெல்லி கணேஷின் இறுதி நிமிடங்கள் எப்படி இருந்தது என்பது பற்றி அவருடைய மருமகன் ஓபனாக பேசியுள்ளார்.
நடிகர் டெல்லி கணேஷ்
தமிழ் திரையுலகம் பிரபல நடிகராக இருந்தவர் தான் நடிகர் டெல்லி கணேஷ். இவர் நடிப்பு மட்டுமின்றி சிறந்த டப்பிங் கலைஞராகவும் திரைத்துறையில் பயணித்து வந்தார்.
கடந்த 1944ம் ஆண்டு நெல்லையில் பிறந்த டெல்லி கணேஷ், சினிமாவுக்கு வர முன்னர் 1964 முதல் 1974 வரையிலான காலப்பகுதியில் இந்திய வான்படையில் பணியாற்றியுள்ளார்.
பின்னர், கடந்த 1976 ஆம் ஆண்டு பட்டின பிரவேசம் படத்தின் மூலம் சினிமாவிற்குள் அறிமுகமானார். “தக்ஷின பாரத நாடக சபா” எனப்படும் டெல்லி நாடகக் குழுவில் ஒரு உறுப்பினராகவும் இருந்து வந்தார்.
நகைச்சுவை கதாபாத்திரம், வில்லன், குணச்சித்திர கதாபாத்திரம் என எந்த கதாபாத்திரம் கொடுத்தாலும் அதனை ஏற்று நடிக்கக் கூடியவர். தமிழ் சினிமாவில் உச்ச நட்சத்திரமாக இருக்கும் ரஜினிகாந்த், கமல்ஹாசன், விஜயகாந்த், விஜய், சூர்யா உள்ளிட்ட பல்வேறு நடிகர்களுடன் இணைந்து நடித்திருக்கிறார்.
மருமகன் சொன்ன விடயங்கள்
இந்த நிலையில் டெல்லி கனேஷ் தமிழ் சினிமா மட்டுமின்றி தெலுங்கு, மலையாளம் உள்ளிட்ட பிற மொழி படங்கள் மற்றும் தொலைக்காட்சி தொடர்களில் நடித்திருக்கிறார். இதனால் பல சினிமா பிரபலங்களில் இவரின் இறப்பிற்கு இரங்கல் தெரிவித்து வருகிறார்கள்.
இது குறித்து பேசிய டெல்லி கணேஷின் மருமகன், “இறப்பதற்கு முதல் நாள் இரவு குடும்பத்தினருடன் கலகலப்பாக பேசிக் கொண்டிருந்தார். தூக்கத்தில் இவருடைய உயிர் பிரிந்து விட்டது. மாமனார் கலைமாமணி விருதை பெற்றுள்ள நிலையில், கடந்த மாதம் தென்னிந்திய நடிகர் சங்கத்தின் வாழ்நாள் சாதனையாளர் விருதை பெற்றார்.
இந்த சந்தோஷமான செய்தி செவ்வாய்கிழமை குடும்பத்துடன் கொண்டாட திட்டமிட்டிருந்தோம். சினிமா அவரது கனவாகவும் அவருடைய பேஷனாகவும் இருந்தது. இரு தினங்களுக்கு முன்பும் கூட படத்தின் டப்பிங் முடித்து விட்டது வீடு திரும்பினார். நாளைய தினம் அவருக்கு சூட்டிங் இருக்கிறது...” என கூறியுள்ளார்.
இந்த செய்தி பிரபலங்கள் பலரின் அழுகைக்கு காரணமாகியுள்ளது. இரங்கல் தெரிவிக்கும் வகையில் சினிமா பிரபலங்கள் சமூக வலைத்தளங்களில் பதிவுகளை பகிர்ந்து வருகின்றார்கள்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
நெடுந்தீவு, புங்குடுதீவு 7ம் வட்டாரம், புங்குடுதீவு 3ம் வட்டாரம், Hamilton, Canada
03 Mar, 2025
நாரந்தனை தெற்கு, Berlin, Germany, Castrop-Rauxel, Germany
17 Feb, 2026
Kathirippai, அச்சுவேலி, விசுவமடு
19 Feb, 1997
