லங்காசிறி FM
உருகி உருகி காதலித்த அபிநய்... காதலை தூக்கி எரிந்த காதலி! வெளியிட்ட எமோஷ்னல் பதிவு
Manchu
மறைந்த நடிகர் அபிநய்யைக் காதலித்த அவரது காதலி இன்ஸ்டாவில் பதிவிட்டுள்ள பதிவு வைரலாகி வருகின்றது.
நடிகர் அபிநய்
துள்ளுவதோ இளமை படத்தில் அறிமுகமான நடிகர் அபிநய், சில விளம்பர படங்களிலும் நடித்தார். அதற்கு பின்பு சில படங்களிலும் நடித்த நிலையில், எதுவும் எதிர்பார்த்த வெற்றியை கொடுக்கவில்லை.
ஆனாலும் நடிப்பினை விடாமல் விளம்பர படங்களில் நடித்து வந்தார். ஒரு கட்டத்தில் சினிமா வாய்ப்பு வராததால் மிகவும் கவலையில் ஆழ்ந்தார்.
வாய்ப்பு கிடைக்கவில்லை என்றாலும் சினிமாவை விட்டு வெளியே வர விரும்பாத அபிநய், பையா, துப்பாக்கி போன்ற படங்களுக்கு டப்பிங் பேசினார்.
மற்றொரு புறம் மதுவிற்கும் அடிமையாகிய இவர் உடல்நல குறைவினால் பாதிக்கப்பட்ட நிலையில், இவருக்கு கலக்க போவது பாலா மற்றும் தனுஷ் ஆகியோர் மருத்துவ உதவிகளை செய்தனர்.
சிகிச்சை பெற்று வந்த இவர் மீண்டு வருவார் என்று எதிர்பார்க்கப்பட்ட நிலையில் சில வாரங்களுக்கு முன்பு உயிரிழந்தார்.
இந்நிலையில் அவரது காதலியான துணை நடிகை ஸ்ரீஅஸ்வினி இன்ஸ்டாவில் வெளியிட்டுள்ள பதிவு வைரலாகி வருகின்றது.
காதலை வேண்டாம் என்ற அஸ்வினி
அஸ்வினி வெளியிட்டிருக்கும் பதிவில், " உருகி உருகி காதலித்தான்..அவன் காதலை நிராகரித்தேன்..நான் பயப்படுகிறேன் என நினைத்து அவன் அம்மாவையும் அழைத்து வந்தான். உண்மையில் இப்போதுதான் பயம் இன்னும் அதிகரித்தது..பல பொது நிகழ்ச்சிகளில் ஒன்றாக கலந்துகொண்டோம்.
ஆனால் அவன் மீது காதல் வரவில்லை பயம்தான் அதிகரித்தது. என் பயத்திற்கு காரணம் அவன் அழகு. இவ்வளவு அழகாக இருப்பவன் என்னை ஏன் காதலிக்க வேண்டும் என்று என்மீதான தாழ்வு மனப்பான்மை. காதல் வேண்டாம் அபி நட்பே போதும் என்றேன், மறுத்தான் எவ்வளவோ சொன்னேன் குடிப்பழக்கத்தை விடும்படி அவன் கேட்கவில்லை.
அம்மாதான் பாவம். உன்னை திருமணம் செய்தால் அவன் திருந்திவிடுவான் நீ வருந்தாதே நான் இருக்கிறேன் என்று சொன்னார்கள். அவனையும் குடியை விட சொல்லி கெஞ்சினார்கள், முடியாது என்று மறுத்தான்.
மதுவிற்கு அடிமை
காதலா மதுவா என்ற போராட்டத்தில் மதுவை மட்டும் பற்றிக்கொண்டான். அன்று நடந்த சண்டை நான் செத்தாகூட என் முகத்தில் முழிக்காதே நீ செத்தாலும் நான் வருவேன் என்று நினைக்காதே என்று சொல்லி சண்டையிட்டு பிரிந்தோம் உன்னுடன் நட்புகூட வேண்டாம் என்று.
எவ்வளவோ அம்மா முயற்சி செய்தார்கள் என் மனம் இடம் தரவில்லை அவனை ஏற்க்க..ஒரு கட்டத்தில் அழைத்தான் அம்மாவும் போய் சேர்ந்து விட்டார்கள்.
அபிநய் கற்ற பாடம்
நீ சொன்னதை கேட்காமல் இன்று உன் நினைவுகளோடு தவிக்கிறேன் வருகிறாயா என்று. சொல் பேச்சு கேட்காமல் நீ மதுவை நாடி என் மனதை நோகடித்தாய். மன்னித்துவிடு எனக்கு மணமாகிவிட்டது என்றேன்.
இருப்பினும் அழைத்தான் நீ சொன்னதைபோல் குடியால் நோயில் அவதிப்படுகிறேன் என் நிழலைக்கூட நீ பார்க்காதே கவலையும் படாதே இது என்னக்கு ஒரு பாடம் குடியால் வாழ்பவர்களுக்கு என் சாவு ஒரு பாடமாக இருக்கும் என்றான்.
அன்று வராத காதல் இன்று அவன் மீது வந்திருக்க அவனோ காற்றோடு கலந்திருந்தான்" என்று குறிப்பிட்டிருக்கிறார்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
மழையுடன் போராடும் இலங்கை மக்கள்- மருத்துவர் கொடுத்த முக்கிய ஆலோசனை 6 மணி நேரம் முன்
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
