Instagram Photo Trend: வைரலாகும் 80-ஸ் போட்டோ ட்ரெண்ட்! நீங்களும் எளிதில் உருவாக்கலாம்

80s photo trend : இன்ஸ்டாகிராமில் ஒரு புதிய டிரெண்ட் பிரபலமாகி வருகிறது. இதில் பயனர்கள் ChatGPT-யின் AI இமேஜ் ஜெனரேஷன் மூலம் தங்களை 1980-களின் ஸ்டைலில் போட்டோவாக மாற்றுகிறார்கள். இதனை எவ்வாறு எளிமையான முறையில் உருவாக்கலாம் என்பது குறித்து இங்கு பார்க்கலாம்.

தற்போது பயனர்கள் சாட்ஜிபிடி போன்ற AI கருவிகளைப் பயன்படுத்தி தங்களின் தற்போதைய புகைப்படங்களை 1980-களின் விண்டேஜ் தோற்றம் கொண்ட படங்களாக மாற்றி வருகின்றனர்.

பழைய கால உடைகள், ஹேர் ஸ்டைல், நிறங்கள் மற்றும் கேமரா எஃபெக்ட்களுடன் உருவாகும் இந்த புகைப்படங்கள் சமூக வலைதளங்களில் பலரது கவனத்தையும் ஈர்த்து வருகின்றன.நீங்களும் இதுபோன்ற புகைப்படங்களை எளிதாக உருவாக்கலாம்.

பழைய நினைவுகளை மீட்டெடுக்கும் AI!

சாட்ஜிபிடி 80-ஸ் போட்டோ டிரெண்ட் என்பது வெறும் ஃபில்டர் மாற்றம் மட்டுமல்ல. AI தொழில்நுட்பம் மூலம் புகைப்படத்தில் உள்ள ஹேர்ஸ்டைல், உடை, மேக்கப், பின்னணி, ஒளியமைப்பு உள்ளிட்ட பல அம்சங்கள் மாற்றப்படுகின்றன.

இதன் மூலம் 1980-களின் ஃபேஷன் மற்றும் கேமரா தோற்றத்துடன் தத்ரூபமான விண்டேஜ் புகைப்படத்தை உருவாக்க முடியும். பழைய கால நினைவுகளை மீண்டும் உருவாக்கும் வகையில் இந்த டிரெண்ட் தற்போது சமூக வலைதளங்களில் பிரபலமாகி வருகிறது.

 உங்கள் 80-ஸ் போட்டோவை நீங்களே எளிதாக உருவாக்கலாம்.

முதலில் சாட்ஜிபிடியில் உங்களின் புகைப்படத்தை அப்லோட் செய்யுங்கள். பின்னர் 1980-களின் உடை, ஹேர்ஸ்டைல், மேக்கப், பின்னணி, கேமரா எஃபெக்ட் உள்ளிட்ட விவரங்களை தெளிவாகக் குறிப்பிடுங்கள்.

நீங்கள் விரும்பும் ரெட்ரோ ஸ்டைலையும் சொல்லலாம். அதற்கேற்ப AI உங்கள் புகைப்படத்தை விண்டேஜ் தோற்றத்தில் மாற்றி உருவாக்கும்.

பின்னர் தேவைக்கேற்ப மாற்றங்களைச் சொல்லி, படத்தை மேலும் தத்ரூபமாகவும் அழகாகவும் உருவாக்கிக் கொள்ளலாம்.

பாலிவுட் ஸ்டைல் முதல் குடும்ப ஆல்பம் வரை, உங்கள் 80-ஸ் போட்டோவை விருப்பத்திற்கேற்ப கஸ்டமைஸ் செய்யலாம்.

ரெட்ரோ திருமணம், டிஸ்கோ பார்ட்டி, பழைய குடும்ப புகைப்படம், விண்டேஜ் ஸ்டுடியோ என பல்வேறு பின்னணிகளைத் தேர்வு செய்யலாம்.உடை, ஹேர்ஸ்டைல், மேக்கப் உள்ளிட்டவற்றையும் மாற்றி அமைக்க முடியும்.

குறிப்பாக இந்திய 80-ஸ் காலத்து கலாச்சாரம் மற்றும் ஃபேஷனை பிரதிபலிக்கும் வகையில் தத்ரூபமான புகைப்படங்களையும் உருவாக்கலாம்.

எப்படி உருவாக்குவது?

80-ஸ் போட்டோவை உருவாக்கும் வழிகள்: சாட்ஜிபிடியை திறக்கவும்: ChatGPT-ல் படத்தை உருவாக்கும் வசதியைத் தேர்வு செய்யுங்கள்.

உங்கள் புகைப்படத்தை அப்லோட் செய்யவும்: தெளிவான, முகம் நன்றாகத் தெரியும் புகைப்படத்தை பதிவேற்றுங்கள். விரும்பிய ஸ்டைலை குறிப்பிடவும்: “1980-களின் இந்திய விண்டேஜ் புகைப்படமாக மாற்றவும்” என்று கேட்கலாம்.

விவரங்களைச் சேர்க்கவும்: பழைய கால உடை, ஹேர்ஸ்டைல், ஸ்டுடியோ பின்னணி, ஃபிலிம் கேமரா தோற்றம், விண்டேஜ் நிறங்கள் போன்றவற்றைக் குறிப்பிடுங்கள்.

பின்னணியை தேர்வு செய்யவும்: பழைய குடும்ப ஆல்பம், திருமண நிகழ்வு, பாலிவுட் ஸ்டைல், டிஸ்கோ பார்ட்டி அல்லது ரெட்ரோ ஸ்டுடியோ போன்ற பின்னணிகளை கேட்கலாம்.

மாற்றங்களைச் சொல்லுங்கள்: முதல் படம் பிடிக்கவில்லை என்றால், “இன்னும் 80-ஸ் காலத்து தோற்றம் வேண்டும்”, “இந்திய ரெட்ரோ ஸ்டைலில் மாற்றவும்” எனக் கூறி மீண்டும் உருவாக்கலாம்.

இறுதியில் உங்கள் விருப்ப்படி உருவாக்கப்பட்ட புகைப்படத்தை சேமிக்கவும்: பிடித்த தோற்றம் கிடைத்தவுடன், அதை உங்கள் சமூக வலைதளங்களில் பகிரலாம்.

இவ்வாறு சில வரிகள் கொண்ட AI கட்டளையைப் பயன்படுத்தினாலே, பழைய ஆல்பம் புகைப்படங்களை நினைவுபடுத்தும் வகையில் புதிய படங்களை  எளிமையாக உருவாக்க முடியும்.